هاكيفاس بغاو انفصاليو الداخل يستفزو الأمن في مطار محمد الخامس وها كيفاش بغاو يورطوه

وصل أزيد من خمسين انفصاليا لمطار محمد الخامس في الدار البيضاء، مساء الجمعة، بعد مشاركتهم في أشغال الجامعة الصيفية برعاية جزائرية في بومرداس.
وفور وصول الطائرة القادمة من الجزائر عمد هؤلاء على ارتداء شرويطات تحمل أعلام جبهة البوليساريو والجزائر في محاولة منهم لاستفزاز السلطات الأمنية في مطار محمد الخامس.
الملاحظ هو أن النساء فقط هوما لي لبسو شرويطة البوليساريو والجزائر، وهادشي مقصود باش إذا كانت هناك ردة فعل لأحد رجال الامن يتم تدويل القضية ويلعبو عليها فالجانب الحقوقي، ويبان الأمن كيتعدى على النساء.
هادشي ما طراش حيت السلطات الأمنية كانت واثقة من راسها وتعاملت باحترافية تامة مع الواقعة، وما خلاتش ليهوم الفرصة باش ينجحو في مخططهم لي تعلمو ابجدياتو فهاد النوع من الجامعات الصيفية وهو اول درس خاصهم يطبقوه على أرض الواقع.
مصدر قال ل"كود" بأن هاد النوع من الإستفزازات ما يقدروش يديروه في العيون لأن أمن العيون عندو خبرة فالتعامل مع هاد الحالات.