امريكا خشات نيفها فحراك الريف. لمغاربة عارفين باللي ما عندهم علاقة بالمالينز: ندين الرسائل الداعمة للعنف

الولايات المتحدة الامريكية خشات راسها فحراك الريف مرة اخرى. هاد المرة دوزات رسالة عبر صورة ما عندها علاقة بها. صورة مغاربة كانو فشي فيلم اميركي ولابسين المارينز عطاهم الله نسبة كلغ كبيرة وسبو وهددو وعايرو ناصر الزفزافي. هاد الفيديو كانت القوات المسلحة الملكية خرجات فيه بيان ودابا السفارة الامريكية في الرباط نشرت عبر تويتر ديالها تغريدة اكدت ان "الأفراد الذين يرتدون ما يشبه الزي العسكري الأمريكي بفيديو، لا يمتون للولايات المتحدة الأمريكية بصلة".
الامريكيون دخلو فحراك الريف فاضافة "نحن ندين بشدة الرسائل الداعمة للعنف" بغاو يقولو حنا ضد كل اشكال العنف. هاد لكلام كتقولو دولة كل سياستها الخارجية معتمدة على العنف