بعد ايام من الاحتقان واخيرا انفراج باش يحل المشاكل فالريف: افراد القوات العمومية غادرات الحسيمة وتوالي الاجتماعات في الرباط وتنسيق مع قادة الحراك

هاد اليومين تحركات امور كثيرة تؤشر على انهاء حالة الاحتقان. هاد الانفراج تجلى فامور كثيرة. اليوم الناشطة البارزة في الحراك الاجتماعي، نوال بنعيسى قالت على صفحتها الفايسبوكية أن العديد من الحافلات التي تقل رجال الامن انسحبت من الحسيمة، مؤكدة أن القوات لن تخرج بأكملها ولكن جانب منها يرحل عن المدينة. المهم القوات العمومية مشات.
ينضاف الى هادا ما نشرته "الاول" عن طلب وجه الى زعيم الحراك ناصر الزفزافي من اجل خطاب تهدئة. هاد الشي بدا نهار الجمعة بعد لقاء حضرته احزاب الاغلبية الحكومية طبعا البي جي دي مثلها سعد الدين العثماني ماشي بنكيران واخا هو الامين العام.
يبدو ان هذا اللقاء كان صريح وواضح وشكل بداية الخروج من مرحلة الاحتقان.
وفي علاقة بالموضوع علمت "كود" ان ابن عرفة العدالة والتنمية اللي بين قدرتو الضعيفة جدا فهاد الشي ديال الحسيمة سيجتمع بامر من القصر مع الوزراء المعنيين بالقطاعات اللي نايض عليها الصداع. هادو هما الوزراء اللي تسسخو هادي مدة باش تلاقاو الناس.
دابا مازال النقطة الاهم فهاد الشي هو اطلاق سراح المعتقلين. هادا غادي يحل جزء كبير من الحراك