وكرابا هاداك شبه المغني حاتم عمور. شوفو اش دار لاسماء لمنور للي حتى هي ما عندهاش شخصية قوية

حاتم عمور يمكن المغني الوحيد فالمغرب اللي معروف بشكلو ولباسو اكثر من اغانيه دار واحد القالب كيكشف معدنو للمغنية اسماء لمنور فسهرة موازين. البرمجة قررات تبدا سهرة امس بخشبة النهضة ب"موازين" بالرباط مع العشرة قل ربع. فالبرمجة ما كانش شكون غادي يكون الاول وشكون الثاني. غير كان ما يشبه الاتفاق ان عمور الاول ولمنور الثانية. قبل وكلشي باش قرب الحفل ما بغاش يطلع. قلبو على شي حد يطلع هو الاول ما لقاوش. بقى سيدكم حاتم يربح الوقت وبعد ما بغات اسماء لمنور تطلع قرر يتواضع ويطلع هو الاول. جرجرهم مرة اخرى وبقى حتى وصل لدروة السهرة اي قريب للحداش.
باش نزل وطلعات لمنور اللي تفقصات وفق مصادر "كود"٬ كان الجمهور بدا يمشي وكلمات سهرتها ولكن كان فيها شبه المغني نجم.
المشكلة فاسماء لمنور اللي عندها اغنية محيحة وسبقاتو بسنوات فالحرفة وما قداتش تفرض راسها. اللي معاها ما فيدهموش وصافي