الكوكب حاصلة مع الزاكي

الورزازي رئيس اللجنة المؤقتة المكلفة بتسير الكوكب رغب في أن يقدم الزاكي قربانا لإسكات أصوات المحتجين، واعتبره مستقيلا، لكن الزاكي حمر عينيه فالرئيس واعتبر راسو مريض وغادي يرجع للخدمة، يعني إدارة الكوكب خاصها تخلص ليه الكونترا كلها إيلى بغات تفاك معاه على خير.
الهضرة اللي كالها الزاكي خلعات الورزازي ودفعاتو يقلب على شي حل يرضي الزاكي باش يغادر الفريق، لكن اللي ما عارفوش المسؤول على الكوكب هو أن الجمهور ما راضيش عليه وكالو للوالي ما بغيناش الرئيس.
ناس الكوكب المراكشي اللي خارجين من المكتب بداو اتصالات مع فتحي جمال بغاوه يرجع.
جمال عندو عرض من الإمارات، وكيفكر فيه مزيان، بعدما جا من فرنسا اللي دار فيها تدريب ديال التحليل الفني للمباريات بالكومبيوتر.