لارام ل"كود": الله يهديكم راه صورة الفروج فالكابين باينة ماشي طائرة لارام وشوفو الداخل عندنا وقارنو قبل ما طيحو الباطل

ناس الخطوط الملكية المغربية "لارام" كاعيين. ما عاجبهمش الحال باللي فيما كاينة شي شوهة فشي طيارة كينسبوها ليهم. هاد الشي بمناسبة فيديو فيه فروج وسط باليزة فكابين طيارة قدموها ديال لارام.
مصدر من الخطوط الملكية المغربية قال ل"كود" انه تفاجأ من اقحام لارام فهاد الفيلم. المصدر اوضح ل"كود" "الله يهديكم راه صورة الفروج فالكابين باينة ماشي طائرة لارام وشوفو الداخل عندنا وقارنو قبل ما طيحو الباطل". المصدر كان يتحدث عن كراسي لارام فيها لحمر المختلفة عن كراسي الطيارة اللي فيها الفروج بالاضافة الى الكابين وتفاصيل اخرى.