نايضة على رد وزير المالية على سؤال للنائب بلافريج. حسن طارق: جوابو خرق للدستور

قبل ايام بعث عمر بلافريج ديال الاشتراكي الموحد رسالة الى وزير المالية محمد بوسعيد بخصوص ظروف تفويت 40 بالمائة من "مرسى المغرب" هادي عام وتباعت ب 1.9 مليار درهم قيمة السهم 65 درهم وبعد ستة اشهر يضيف بلافريج تضاعف ثمن الشهر مرتين. البرلماني سأل عن ظروف التفويت والمسؤول عما سماه اختلالات. رد بوسعيد ما تعطلتش بزاف. تحدث فجواب طويل على كلشي. ماشي المهم اش قال لكن واش عندو الحق يقولو.
هنا كاين نقاش اثارو استاذ باحث فالقانون وبرلماني سابق هو حسن طارق. هاد الاخير كتب معلقا "وزير المالية السيد محمد بوسعيد، يتقدم بجواب على سؤال كتابي ، في خرق دستوري واضح ،ذلك أن حكومة تصريف الأعمال غير خاضعة للمسؤولية أمام البرلمان".
دابا هاد الحكومة ديال تصريف الاعمال حقاش مازال ما تشكلاتش الحكومة. هنا تورط بوسعيد فهاد الرد للي غادي يدير نقاش دستوري