الباحث اگنوش: يتجمع البرلمان من دون فرق نيابية من دون هياكل، باش يكًول نعام معقول ولكن باش ينتاخب الهياكل ديالو، والحكومة باقا ماتشككلاتش"، نكًول ليك: لا

عبد اللطيف اگنوش، أستاذ باحث جامعة الحسن الاول سطات ////
نشر عبد اللطيف اكنوش الباحث في العلوم السياسية في جامعة الحسن الاول سطات تدوينة مهمة حول مجلس النواب:
كًال ليك: "الماليك كللفني نجمع البرلمان"…سؤالي البليد أنا هو: "غادي تجمعو لاش؟"…
تكًول ليا باش يصوت بنعم على "الاتفاقيات الدولية للي كاتجمع المغرب بإفريقيا" من أجل الدفاع المستميت على قضية الوحدة الوطنية، نكًول ليك: "ماكاين مشكل"، حينت في هاذ الحالة، البرلمان كولو من أقصى يمينو حتى لأقصى يسارو غادي: "يتجمع ككتلة موحدة، من دون فرق نيابية، من دون هياكل، باش يكًول نعام، نعام، نعام الله يبارك في عمر سيدي!"…لأن العلاقات الدولية والأمن الاستراتيجي ديال المملكة ماشي ديال الحكومة، ولكنه ديال الملك…وغادي يكون التصويت ديالو مجرد "تجديد البيعة" للسلطان، ماشي للملك الدستوري…
تكًول ليا: "غادي نجمع البرلمان باش ينتاخب الهياكل ديالو، والحكومة باقا ماتشككلاتش"، نكًول ليك: "لا…أووهووو"، واخا يكًولها ليك الله سبحانه…
غير واحد القضية نزيدها لخويا عبد الإلاه…راه هاذ "الأمر" ديال سيدنا يمكن يكون "إشارة رمزية باش يكًول ليكوم جمعو…. وتجاوزو الحسابات الضيقة ديال الأشخاص وعججلو بتكوين حكومتكوم، لأن مصلحة المغرب والمغاربة فوق كل اعتبار"..
من غير هاذ الكلام، راه غير إنشاء ديال الدراري دالتحضيري…