البرد دگدگ عباد الله واوربا كتهدر على ايبيديمي واعرة وعلنات حالة طوارئ والمغرب ناعس. وزارة الصحة ل"كود": ديرو اللقاح

دعت وزارة الصحة، في شخص البروفيسور عبد الرحمان المعروفي، مدير مديرية علم الأوبئة ومُحاربة الأمراض، (دعت) المواطنين للتلقيح ضد فيروس الإنفلونزا الموسمية.
وأوضح المعروفي، في تصريح ل"كود"، قائلاً: "الانفلونزا الموسمية كتجي ديما مني كيبرد الحال بهاد الشكل ونحن في الوزارة درنا برنامج مع منظمة الصحة العالمية باش تكون المراقبة الوبائية ونعتمد على المعطيات الواردة من المسشتفيات ومختبرات وطنية بيولوجية
فمثلا هاد الإنفلونزا الموسمية، يشرح المعروفي ل"كود": "عندنا مختبر مرجعي وطني واللي هو المختبر الوطني للصحة وهاد المعطيات اللي قلت بينات أن هاد المرض كاين ونراقب الاصناف ديال هاد الفيروسات وهاد العام المعطيات ديال المراقبة تبين أن 90 في المائة عندها علاقة بصنف "AH3 N2″، وهو صنف عادي معندوش شي خطورة معينة والتلقيح اللي كاين دبا كيحمي ضدو وعموما الأمر عادي دبا".
واضاف البروفيسور المعروفي ل"كود" أن أحسن طريقة باش يقلل منها الواحد من هاد المرض هي الوقاية عن طريق التلقيح وهي العلاج الأنجع، حسب المنظمة العالمية، مبرزا في الوقت نفسه أن الانفلوزنا الموسمية تشكل خطورة وعندها عواقب عند الناس لكبارين فالسن والحوامل حتى هوما".
دابا فرنسا هاد الصباح دارت اجتماع عاجل على هاد الانفلونزا واسبانيا قامت بنفس الاجراء اي نايضين وخايفين وفالمغرب كيعطيو النصائح