الرئيس الموريتاني ولد عبد العزيز هان لمغاربة. كبرو بيه ورسلو ليه بنكيران وهانو وكال ليه جي عندي فين كندوز عطلتي

الرئيس الموريتاني محمد ولد عبد العزيز هان لمغاربة. هان المغرب. الملك محمد السادس كبر بيه ورسل ليه عبد الاله بنكيران رئيس الحكومة باش يتلاقاه وطبعا غادي يعطيه رسالة٬ كيفما كانت "كود" انفردت بالخبر. هاد الشي على ود تصريح حميد شباط الامين العام لحزب الاستقلال حول الحدود التاريخية للمغرب اللي كانت واصلة حتى لنهر السينغال. دابا وفق "الاخبار" الموريتانية٬ ان بنكيران سيصل مساء اليوم الى نواكشوط ويبان فيها والغد الاربعاء يمشي لزويرات اللي كيدوز فيها الرئيس الموريتاني عطلته السنوية.
يعني ان الرئيس الموريتاني غادي يضيع على مشاورات تشكيل الحكومة يومين اثنين. كان ممكن يستقبلو مباشرة فنواكشوط ويرجع ولا يتلاقاو مباشرة فالزويرات.
معروف ان ولد عبد العزيز كان عاجبو القطيعة تحصل مع المغرب كما كشف مصدر موريتاني ل"كود" سابقا