شهادات غادية تغبر الشقف لسعد لمجرد كيف تقد تنقدو: تبع البنت عريان واستمع ليه البوليس وهو سكران وتباوس هو والبنت قبل هاد الشي

شهادات كلها تدين سعد لمجرد اللي خرجات لحد الان عن قضية اتهام فتاة عشرينية فرنسية باغتصابها باستعمال العنف مع الاحتجاز. يومية "الاخبار" تحدثت في عددها ليوم غد عن هروب الفتاة شبه عارية من الفندق وملاحقة لمجرد لها غير بالكالسون وحبسوه اللي كانوا خدامين فالفندق وان الفنان بقى يبكي. "بابوبي" اوضح وفق لمصدر من الشرطة انهم لقاو فالغرفة كرام ديال الكوكايين مازال ما تستعملاتش فيما ذهبت "لوباريسيان" الى القول ان سعد لمجرد كان سكران باش استمعات ليه الشرطة صباح امس الاربعاء اي ساعات بعد وضع الفتاة لشكايتها.
هاد الشي كلو ايلى ضفنا ليه تفاصيل نشرت في الصحف المذكورة اعلاه منها ان الفتاة خرجات من الغرفة وحوايجها مقطعين وعليها علامات الضرب. لكن ما قد ينقد لمجرد في نفس الوقت هو مطعيات حصلت عليها "كود" تفيد انه امضى معها ليلة الثلاثاء، مشى هو اياها لاوطيل ماتينون ثم "لوكران اوطيل" عاد دجيت سيت وكاينين شهادات كتكول باللي كانوا بجوج كيتباوسو. هاد الشي يقدر يخفف عليه شوية.