بنكيران رجع للتحكم وهز الايقاع: ورآه الماء كايتوسخ من الفوق وكايهبط يوسخ كولشي

قال عبد الاله بنكيران، امين عام حزب العدالة والتنمية، "برافو عليك ا منيب فاش قلت على البام حزب () واخا تگولي عليا لي بغيتي الشعب مغاديش يتيقك،"، مضيفا "هذا ماشي لعب، هذا الجمهور العريض للذي يحضر معندوش شغل ، بل جاي يسمع كلام معقول، كايهمني بزاف تفهموني ولكن كايهمني ان كولشي يستمر باش كولشي يبقا معقول".
بنكيران هاجم من وصفهم بالبانضية في مهرجان حاشد بسلا حيث يقود لائحة البيجيدي بسلا"واش الى جبتي للبرلمان البانضية والمقالعية وتجار المخدرات والى جبتي السياسيون المحترفين لي بغاو يكونو ثروة من السياسة ،حيث مقدوش بذراعهم".
والى ذلك تكلم عن واقعة عامل سلا، بخصوص تدوينة فالفايسبوك تحدث فيها العامل عن تصدر الاصالة والمعاصرة قال بنكيران "كنت تعرضت لعامل سلا، وقالي راه داكشي غير صحيح، الا كان داكشي لي قالي صحيح انا كنعتذر ولكن خاص يرد بالو لمواقع ديالو،".
رسائل بنكيران السياسية كانت واضحة بخصوص علاقاته مع باقي الشركاء السياسيين وحتى في علاقته مع رجال السلطة، وأوضح زعيم البيجيدي "ورآه الماء كايتوسخ من الفوق وكايهبط يوسخ كولشي، الى كان غير بالكلام نحرث ليك من فاس حتا تلمسان".
واضاف "فكينا عنق الدولة من الأزمات ومن انه يتحكموا فينا صندوق الدولة، خاص الدولة تعتذر للأرامل حيث معطاتهمش الحق في ما قبل، ومعندنا منديرو بهاد الدولة الا معطاتهومش حقهم، كاين احزاب شريفة حنا مختلفين غير مع البانضية الذي تسربوا الى السلطة ويستغلون الأموال ويبتزون رجال الاعمال،داكشي علاش قلت لمنيب برافو عليك ا منيب فاش قلت على البام حزب المافيا واخا تگولي عليا لي بغيتي الشعب مغاديش يتيقك، ".