طرفاية لي كتجيب أعلى نسب مشاركة في الإنتخاب وطنياً : التنافس بين بيلات و النومرية و الرزمة بلا عصا بلا مضاربة و أصوات قبيلة أزركيين تنقسم

مدينة طرفاية لي كتعتابر من أولى المدن المغربية التي تحتل المراتب الأولى في نسبة المشاركة فالإنتخابات الجماعية و التشريعية، هذ لمرة متنافس فيها كل حزب لبام و مرشحه الشاب عبد الله بيلات لي من قبيلة لفيكات و خوالو قبيلة أزركيين داك شي علاش رئيس المجلس البلدي لطرفاية التجمعي عبد الحي حرطون غادي يعاون مول تراكتور بيلات، أصوات قبيلة زركيين لي ربما غادي توزع بين لبام و بين ممثل حزب الإستقلال عالي النومرية لي داخل صحيح و باغي يكتاسح لمدينة في أول تجربة برلمانية له.
و البيجيدي في شخص وكيل لائحته الديبلوماسي والسياسي المخضرم عالي الرزمة لي ينتامي لقبيلة أيت لحسن غادي يدخل المنافسة لحقاش سيد كيترشح من قديم و عندو تجربة طويلة.
الحملة بدات بلا مضاربة بلا عنف بلا تشنجات لحقاش طرفاية فكل الإنتخابات كانت حلبة للمصارعة و لمطايفة و دم السايل، هذ لمرة واقيلا لأن الصراع شبه محسوب تقريباُ بين ثلاثي على المقعدين المخصصين للطرفاية.
كاين شي أحزاب يمكن يخلقو المفاجأة بحال الحركة الشعبية و مرشحها عبد القادر لفويرس و محمد صالح حاجة وكيل لائحة جبهة القوى الديمقراطية لي مشات معاه قبيلة مجاط لي كينتاشرو و بزاف فلجماعات القروية يقول ل" كود " أحد الفاعليين الحزبيين بمدينة طرفاية.