وا منين غاتشد الوزاني. سولوه عن رأيه فإلياس قاليهوم صديق ووفقه الله مرتين وهو ماشي كيقول جينا نحاربو التحكم!(فيديو)

الوزاني لي ترشح بالحسيمة بإسم العدالة والتنمية وحزب العهد، وقال أنه جا يحارب التحكم مابقاش باين القصد ديالو مزيان أش بغا يعني بالتحكم، واش التحكم لي كتهضر عليه العدالة والتنمية لي ترشح بإسمها أو شي تحكم آخر.
العدالة والتنمية كتقول أن التحكم هو البام، والبام هو إلياس، ومنين سولو الوزاني عن رأيه فإلياس العماري قاليهوم "العماري صديق أختلف معه ولكن أحترمه وكما قال هو أعانني الله أنا كانقولو أعانك الله مرتين ووفقه لما فيه خير الوطن والاقليم".
الوزاني خاصو يبين أشمن نوع ديال التحكم لي جا يحارب فالحسيمة دون غيرها من المدن، واش لي كيتهموا بيه البام وإلياس أو تحكم جديد مازال ماعرفوهش لمغاربة؟.