ها اللي تعشى فطابلة محمد السادس: حتى بنالزين جلس فيها وطبعا ما كاين حتى صحافي مغربي او من اصل مغربي والماكلة مخزنية اصيلة=الصورة

العشاء اللي دارو الملك محمد السادس على شرف رئيس فرنسا فرانسوا هولاند ليلة امس الجمعة حضراتو شخصيات كثيرة. الطابلة الملكية جلس فيها بالاضافة الى الرئيس الفرنسي كلا من اودري ازولاي وزيرة الثقافة الجديدة وجاك لاند ديال معهد العالم العربي بباريس ورشيدة داتي وجمال الدبوز واندري ازولاي مستشار الملك ووالد اودري وميشال جون الكاتبة العامة للفرانكفونية والكاتب رشيد بنالزين وفؤاد عالي الهمة مستشار الملك ونجاة فالو بلقاسم وزيرة التعليم الفرنسية. الغريب واللي هو ماشي شي غريب بزاف هو ان الصحافيين ما كاينينش. فرنسا عامرة بالصحافيين المغاربة او من اصل مغربي. علاش كاين بحال بنالزين وما كاين حتى صحافي او صحافية. هاد الشي سولو لقصر اللي عارف الجواب
من خلال الصورة يظهر ان العشاء سلطاني اي ان الماكلة كلها مطيبة فالقصر وهي الماكلة التقليدية اللي كتعطى لضيوف الملك في القصور هنا. كلشي فيها ابداع المغاربة في الطبخ