مسؤول رفيع المستوى ل"كود": رضى الشامي هو اللي تعين سفير للمغرب فالاتحاد الاوربي

علمت "كود" ان احمد رضى الشامي هو الذي تم تعيينه بالفعل سفيرا للمغرب لدى الاتحاد الاوربي فبلاصة عالم لمنور اللي مشى لتركيا. اسم الوزير السابق للتجارة والصناعة والتكنلوجيات الحديثة تحيد من اللائحة اللي تسربات. كما تم نشر اخبار تقول انه تم التراجع عن تعيينه. لكن غير بشوية العقل هاد لخبار ما عندو اساس. اولا التعيين يكون في المجلس الوزاري يعني ايلى عينوه السبت ممكن يحيدوه من التعيين ولكن ما يمكنش دستوريا تعيين واحد اخر مكانو الا في مجلس وزاري ثم ما كاينش شي مبرر للتراجع. السيد كتب باللي فرحان انه تم تعيينه وانه سيخدم بلده. راه بزاف اللي معينين كتبو كلام بحال هادا. هما ما كانوش فالمجلس الوزاري باش يعرفو وما عندهمش تجربة الديبلوماسيين اللي خاصهم حتى يستقبلهم الملك عاد يولي تعيين فعلي.
الشامي اذن هو اللي معول عليه المغرب فالاتحاد الاوربي. عندو خدمة كبيرة بزاف ولكن قادر عليها. هاد التعيين من التعيينات لقلال اللي كانو فالمستوى