واش الوداد دارت فاييت؟ قنبلة "الصباح": عندها ثقبة ب7 المليار والتقرير المالي ما صادقش عليه المنخرطون والجامعة: الوداد حلات كل منازعاتها وها اللي باقي ليها وودادي "وضعيتنا المالية مزيانة

فجرت يومية "الصباح" قنبلة اليوم الاثنين فاتح فبراير 2016 عندما كشفت بناء على تقرير لمديرية مراقبة الاندية بالجامعة الملكية المغربية لكرة القدم ان اختلالات كثيرة تعرفها كبريات الاندية خاصة الوداد والرجاء البيضاويين واوضحت ان 9 اندية من البطولة الوطنية القسم الممتاز عاجزة عن احترام التزاماتها المالية. حسب اليومية فان الوداد البيضاوي عندها ديون ب7 مليار والرجاء ب4 مليار.
الجامعة الملكية المغربية لكرة القدم قالت ان الوداد البيضاوي ادت كل ما بذمتها في المنازعات التي كانت تجمع النادي باللاعبين والمدربين. مصدر من الجامعة قال ل"كود" "دابا يالله كتسالها الجامعة شي 70 مليون سنتيم وهي قليلة بزاف عند نادي بحال الوداد. نهار جا سعيد الناصري /رئيس الوداد/ ما بقاش ياخذ منحة الجامعة السنوية / تقدر ب600 مليون سنتيم بحال جميع اندية القسم الممتاز/ حتى يخلص كلشي الديون يشرح مصدر "كود".
مسؤول ودادي قال ل"كود" ان ديون النادي اديت ويالله باقي 3 مليون درهم مع الفيفا وان الوداد خلصات 31 مليون درهم كان الاتحاد الدولي كيتسالها.
التقرير اللي نشراتو "الصباح" يشرح مصدر ل"كود" ما كيهدرش على المنازعات اللي فاتت فقط بل كيهدر على المداخيل والمصاريف "راه كاين فرق 7 مليار بيناتهم اي هناك عجز ب7 مليار واتحدى الناصري يعطينا التقرير المالي وبدا غير يكول لينا علاش المنخرطون ما صادقوش عليه وداه للمكتب المسير" يشرح مصدر ل"كود".
الناصري كان اكد في الجمع العام الاخير للوداد ان النادي عندو فائض بلغ مليار، وهو ما نفاه مصدر "كود" "شوفو شحال شرا من لعاب وشحال دخل النادي من الاشهار ومن الجمهور وغادين تعرفو