احيزون يوسع مقدساته. بعد ألعاب القوى أضاف كرة القدم. اللي كتب على فضايح البطولة الاحترافية يتقطع عليه الاشهار

البارح عبد السلام احيزون الرئيس المدير العام لاتصالات المغرب هدر وكال باللي الصحافة كتكلم غير على كرة القدم وما كتجبدش العاب القوى. نسى يخبرنا انه هو اللي وصل "ام الرياضات" تولي "فضيحة الرياضات": لا ألقاب لا نتائج غير فضائح المنشطات وووو والمشكل لكبير بزاف هو ان احيزون استعمل الاشهار لمعاقبة كل من يجرأ على انتقاد جامعة العاب القوى اللي كيرأسها. النتيجة هو ان الصحف اللي كتاخد الاشهار من عندو دارت بناقص من هاد الرياضة.
اليوم ولات البطولة الاحترافية باسم شركتو وطبعا غادي يرفض ترتبط بالفضائح. والصحف باش تحافظ على الاشهارات ما غادياش تقرب وتقديس احيزون غادي يتوسع اكثر. غادي يولي ثلاثي: اتصالات المغرب وكرة القدم وألعاب القوى