مركز الشروق للديموقراطية والاعلام وحقوق الانسان اللي ما عمرو تبنى قضية حقوقية كبيرة. يتعين خويا سفير وناخد بلاصتو. اوجار يعوض اجاور

فالمغرب كلشي كيتورت من الاحزاب حتى الجمعيات والوزارات. هاد اليوم انطلق فقطر٬ الدولة اللي ضد حقوق الانسان واللي كتسجن شاعر لمجرد ان هجا رئيس الدولة٬ مؤتمر دولي كاليك حول"حرية الرأي والتعبير في العالم العربي". ولكن هاد المؤتمر كيعرف مشاركة مغربية كيفما كتخبرنا "لاماب". ماشي المجلس الوطني لحقوق الانسان ولا الجمعية المغربية لحقوق الانسان اللي مشاركين ولا حتى جمعية من الجمعيات اللي كدافع بصاح على حقوق الانسان وحرية التعبير٬ اللي مشى هو مركز "الشروق للديموقراطية والاعلام وحقوق الانسان".
ماشي ممكن يمكن لهاد المركز اللي دارو محمد اوجار باش ولي سفير ونال اللي قلب عليه وعينوه سفير للمغرب في جنيف كممثل للمغرب لدى الامم المتحدة هناك. المشكل انه باش مشى المؤسس ديالو خوه نور الدين اوجار هو اللي شارك. يعني مشى خويا وناخد بلاصتو. كاليك اسيدي هاد نور الدين مدير البرامج بهذا المركز. الله يعطينا وجهكم