سيتم حجب هذه الصورة تلقائيا عندما يتم الإبلاغ عنها من طرف عدة أشخاص.
"فري" فيلسوف الأغنية الشعبية ولد الحوات: راه أحد أهرامات هاد لبلاد، فمصاف العروي ونجاة عتابو والمنجرة والستاتي والعرباوي والشابة نبيلة والوفا ولشكر وبنسالم حميش.
هل المبدعين أناس عاديون؟ طبعا لا لأنه مايمكنش للعاديين للوسطيين أن يبدعو، حسيري النظر هؤلاء لايمكنهم أن يبدعو، هم يكتفون بالإستهلاك والتعليق فقط. تميز المبدعيين هو ما يجعل ميولاتهم غير عادية كباقي البشر، طبعا هذا لا يبرر جرائم بعضهم، إلا أنه يجب معرفة أن شخصية المبدع استثنائية لدرجة تجعلنا نغض الطرف على الكثير من ميولاتهم البسيكوباطية.
رومان بولانسكي مبدع فيلم البيانيست، حاليا هو ففرانسا وماقادرش يمشي لماريكان حيث عندو متابعة بخصوص قضية اغتصاب قاصر، قاصر قد هادوك لي كيتزوجو فالمغرب كل عام بإذن من القضاء، أو بفاتحة وكتبقى عايشة مع راجلها حتى توصل للسن القانوني وتضرب بيه الكاغيط، وطبعا لي تفرج الحي الصيني أو المستأجر، أو عازف البيانو، غادي ينسى فضائح رومان الجنسية، وغادي يغرق في إبداع هاد الراجل العبقري.
وودي آلن، صاحب الأكثر من عشرين ترشيحا لجوائز الأوسكار، والمبدع المتفرد في مدرسته السينمائية، عاشق النساء وهو من دفع بستة منهم لنيل جوائز الأوسكار، اتهمته ابنته بالتبني بإغتصابها، طبعا سانده العديد من الممثلين في محنته منهم الرائعة دايان كيتون، وحسب تصريحاته فقد تمت تبرئته من القضية بعد أن تبث أن ابنته لا تميز بين اللمس الغير مقصود به الإسائة وبين الإعتداء الجنسي.
بيرلسكوني العظيم، قيصر روما الحديثة، حتى هو ثم اتهامه فقضية قاصر، واخا الدرية راه كانت كتشطح سريبتيز وتبارك الله تامرة ووافية ولو عرضت على قاضي قاصرين بالمغرب حسب القانون المغربي لأعطى حكمه بقدرتها على الزواج،(هادشي لي عدنا فالقانون المغربي).
هاد المبدعين العظماء، كاين بزاف ديال الناس يريدون النيل منهم، عبر تلفيق تهم لهم من هاد الشاكلة، وطبعا المبدع العظيم سعيد ولد الحوات من بينهم، حيث ورد خبر متابعته بتهمة اغتصاب قاصر، وحسب بعض الروايات كتقول بأن الدرية كانت ساكنة معاه مبرتشة معاه بخاطرها، حتى شوية قلبات عليه القفة بتشجيع من عائلتها، هادشي لحد الآن باقي غي هدرة وكلام، والقضاء هو لي غادي يحسم فهاد الأمر، ولكن علينا كعقول حرة، أن نقف وقفة واحدة ونتضامن مع رمز الأغنية الشعبية سعيد ولد الحوات.
سي سعيد ماشي مغني عادي، واحد هاز كمنجة وسكران ومعاه الشيخات وكيغني، لا .. ماشي هو هادا سي سعيد، ولد الحوات هو الأصل والباقي تقليد، ولد الحوات لي تاهموه بإغتصاب قاصر، راه مغناش على بنات الليسي كما فعل الشاب خالد، بل غنى على بنات الكلية،و أبدى اعجابه بهم، وكيفاش كيخرجو صربة صربة كيف لحجل كبة كبة كيف النحل، هز النيفو، وطلع البارا، ومابقاش الشرط الجمالي فالأنثى هو تكون طرف، وإنما تكون طرف وقارية، وهادا لي كتطالب بيه العديد من النساء هو احترام ذكائها وشهاداتها التعليمية، وهذا ما قام بيه ولد الحوات ملي غنى على بنات الكلية، ومغناش على هاديك لي الطومبيل لي مشات فيها مشات تحوص مالها ما رجعات فيها رجعات فطاكسي، ومغناش على هاديك لي خرجات ليها طاي طاي، غنى على بنات الكلية، باش يرتقي بالوعي الجمعي لعشاق أغنية كب كب، باش يقوليهم أن المرأة ماشي مجرد جسد وماشي أكسيسوار رجالي، وإنما هي جسد وعقل متفتح وعامر وقاري وكتمشي للكلية باش تكون جزء فعال فالمجتمع.
طبعا عم السكوت بين مناضلي أنقذو الدلافين، مكاين هاشتاكات مكاين فيدوات مكاين صفحات تدعو لإطلاق صراح فيلسوف الأغنية الشعبية الملتزمة والتوعوية سعيد ولد الحوات، تضامنو مع محمد سقراط لي عمرو مكان مناضل وغي بزناز فاشل وردو منو قضية، وماتضامنوش مع ولد الحوات لي حقا مناضل كبير وأثار نضاله متجلية فالثقافة الشعبية للمغاربة، ولكن الحمد الله أنه كاين الستاتيين الجدد، لي قامو بالواجب ودارو هاشتاغات مساندة وداعمة لولد الحوات في محنته هذه.
وحتى الى ماقاموش مناضلي أنقذو الدلافين بمساندة هاد المناضل والفيلسوف والمفكر العظيم، راه خاص المخزن براسو يساندو، فولد الحوات راه هو الرأس مال اللامادي ديال لبلاد لي قال سيدنا أنه خاص تستثمر فيه الدولة وتحافظ عليه، ماشي تسيفطو للحباسات بالنسبة ليا كمغربي يقدر الرأس مال اللامادي، فراه خبر متابعة ولد الحوات طاح عليا بحال الى شي مصري وطني حر(بحال سامي أبو عرايص) قالوليه بلي أن زلزال ضرب وطيح الأهرامات، راه ولد الحوات أحد أهرامات هاد لبلاد، فمصاف العروي ونجاة عتابو والمنجرة الله يرحمو والستاتي والعرباوي والشابة نبيلة والوافا ولشكر وبنسالم حميش.
وفالنهاية أترككم مع كلمات أغنية ولد الحوات يرد فيها على متهميه
عمرها ماكانت ليا. جيت نحزرو وهو ظالمني. راني شعالت ناري بييديا. عطيتو عصاتي ملي شدها بغا يسوطني بغا يسوطني. وكون ما لحسد مايتبعنا حد
