الركراكي مشى يتفرج فيوسف النصيري وكبرو به إشبيلية

استغلو إشبيلية فريق الدولي المغربي يوسف النصيري، تواجد الناخب الوطني وليد الركراكي عندهم الويكاند اللي فات وكبرو به.
وضمن السياسة ديال إشبيلية اللي مركزة على الانفتاح خارج الصبليون لاستقطاب جماهير جديدة، وهادشي خدامين عليه بزاف على مواقع التواصل الاجتماعي وإبرام الشراكات مع أندية من المغرب وإفريقيا، استغلو حضور وليد الركراكي لمتابعة يوسف النصيري نجم إشبيلية فماتش غرناطة الاحد اللي فات ضمن الدورة 34 من بطولة الصبليون، وكان فالاستقبال ديالو رئيس إشبيلية، اللي عطاه توني ديال الفريق كادو.
وكان مع الناخب الوطني وليد الركراكي المساعد ديالو عزيز بوحزمة، وراه دار زيارة لأوروبا بعدما دار زيارة للخليج، باش يتلقا ويشوف عدد من لاعبين المنتخب المغربي قبل ما يحسم فلاليس الماتشات زامبيا وأنگولا اللي جايين ضمن إقصائيات مونديال 2026.