مدرب إشبيلية على المضاربة ديالو مع النصيري: كلشي اللاعبين فالفريق بحال بحال وغنحلو المشكل داخليا

هضر مدرب إشبيلية الإسباني كيكي سانشيز على المشكل اللي وقع له مع الدولي المغربي يوسف النصيري فماتش الفريق اليوم الاحد ضد سيلتا فيكو، واكد ان گاع اللاعبين بحال بحال عندو.
وملي سالا ماتش اشبيلية وسيلتا فيگو بخسارة يوسف النصيري والفريق ديالو، قال مدرب إشبيلية على المضاربة ديالو مع النجم المغربي اللي غضب حيث بدلو فالدقيقة 61: "ما غنخلي حتى حد يحس براسو احسن من الآخرين فالفريق".
وكمل مدرب إشبيلية: "غنحلو المشكل داخليا فالنادي وكلشي غيتقاد، وهو راه كان موعت فرجليه 2 سيمانات هادي وكيلعب".