المنافسة على البطولة مازال شاعلة: ليفار ربحو اسفي والرجاء ضربو السوالم وحتى حاجة ما تبدلت فالصدارة

مستمر الصراع على لقب البطولة الاحترافية لكرة القدم بين الجيش الملكي والرجاء الرياضي، وحتى حاجة ما تبدلات بعد نتائج الدورة 24.
الجيش الملكي ربحو أولمبيك اسفي اليوم السبت فتيران القنيطرة بنتيجة 1 لزيرو، وهو الهدف اللي ماركاه لامين دياكيتي فالدقيقة 54.
وفنفس التوقيت، ربحو الرجاء الرياضي شباب السوالم بنتيجة 3 لواحد، والهدفين ديال الخضرا ماركاهم المهدي موهوب فالدقيقة 44، وزاد الهدف الثاني يسري بوزوق فالدقيقة 48، والهدف ديال السوالم ماركاه الحسين رحيمي ضد الفريق ديالو الام فالدقيقة 90، وأدم النفاتي زاد الهدف الثالث فالدقيقة الاخيرة للرجاء.
وبهاد النتائج رفعو الجيش الملكي المتصدرين رصيدهم إلى 58 نقطة، وبقاو وحافظوا على فارق النقاط مع الرجاء الرياضي اللي رفعو رصيدهم إلى 54 نقطة، أما اولمبيك اسفي بقات عندهم 34 نقطة وكيحتلو المركز 5، وشباب السوالم بقات عندهم 22 نقطة وكيحتلو المركز 13.