حكيمي قال لابراهيم دياز مرحبا بك فالمغرب داركم ونجم ريال مدريد قاله نتلقاو تما (سطوري)

فرح أشرف حكيمي نجم باريس سان جيرمان الفرنسي بابراهيم دياز نجم ريال مدريد الإسباني، حيث غيلعب معه فالمنتخب المغربي ورحب به فليكيب ناسيونال، وحتى هو عبر على الفرحة ديالو وقاله نتلقاو فالمنتخب.
وتفاعل الدولي المغربي أشرف حكيمي مع لائحة المنتخب المغربي اللي نشرها الناخب الوطني وليد الركراكي استعدادا لمواجهة كل من أنغولا وموريتانيا، واللي فيها 24 لاعب من بينهم إبراهيم دياز اللي غيجي لأول مرة، وحط حكيمي سطوري فأنستغرام طاگا فيه دياز وقاله: "مرحبا بك فداركم"، إبراهيم دياز حتى هو جاوب حكيمي وقالهم: "نتلقاو فالقريب".
واختار إبراهيم دياز نجم ريال مدريد الإسباني اللي كلشي كيتنبأ له بمستقبل كبير، (اختار) يلعب للمنتخب المغربي، بعد منافسة قوية على الخدمات ديالو بين الجامعة الملكية المغربية لكرة القدم والاتحاد الإسباني، وقتنع دياز بالمشروع المغربي واختار المغرب بلاد باه والأجداد ديالو.