التحاليل اللي دارت "لونسا" على فريز الشركة اللي لقاو فيها فأوروبا بوصفير طلعات فالمغرب نيگاتيف وكلشي مزيان

التحاليل ديال الفريز فالمغرب طلعات نيگاتيف.
حسب مصدر من "كومادير" ل"كود"، التحاليل اللي دارت "لونسا" على فريز الشركة اللي لقاو فيها فأوروبا بوصفير "ليپاتيت أ" طلعات فالمغرب نيگاتيف وكلشي مزيان.
وكيف سبق وكتبنا البارح، التحاليل د الما اللي تسقى بيها هاد الفريز حتى هي طلعات كونفورم، وبينات ان ماء السقي مافيه حتى فيروس.
اما الدكتور الطيب حمضي المتخصص فالسياسات والنظم الصحية، فقال فتصريح له إجابة على تساؤلات وتخوفات المغاربة، على خلفية الضجة اللي ناضت على بوصفير فالفريز، أنه مكاينش علاش يخافو.
الدكتو حمضي اكد ان المغاربة معندهومش مناش يخافو، وأضاف: " ماحد المغرب كيكتسح السوق الأوروبية فالصادرات غيتم استعمال هاد المعلومات لتصفية الحسابات".