مصدر من لونسا ل"كود": درنا تحليل للما اللي كيتسقى بيه الفريز اللي فيه بوصفير ومالقينا والو كولشي كونفورم.. غالبا عامل فيه الفيروس هو اللي كونطامينا الفريز

مصدر من لونسا قال ل"كود" انهم دارو تحليلات لمياه السقي اللي كيسقي بها مول الفريز المصدر لاسبانيا، والنتائج خرجات كونفورم.
يعني الما مافيه حتى مشكل، عكس الهضرة اللي دايرة فوسائل الإعلام الاروبية، اللي كتقول ان الما كونطاميني ببوصفير وبالتالي هو السباب.
الفرضية اللي كتبقى دابا، ديما حسب المصدر ديالنا، هي ان عامل فيه ليباتيت A، دخل لطواليط وماغسلش يديه وكونطامينا الفريز..