بنمحمود: حنا المسؤولين على الإقصاء مع جنوب إفريقيا ومازال خاصنا نتعلمو وكنطلبو المسامحة من المغاربة

عبر رشيد بنمحمود المدرب المساعد ديال الناخب الوطني وليد الركراكي على الاعتذار للجماهير المغربية بعد الإقصاء الصادم للمنتخب المغربي من ثمن نهائي كوب دافريك بخسارة مع جنوب أفريقيا بجوج لزيرو.
وتحدث رشيد بنمحمود بعدما سالا ماتش، وقال: "خلقنا بعض الفرص ما ماركيناهمش وخلصنا الثمن غالي بالإقصاء".
وكمل بنمحمود، وقال: "كذلك غياب لاعبين بحال حكيم زياش وسفيان بوفال، صعب علينا المأمورية".
وزاد بنمحمود وقال: "كنعتذرو للشعب المغربي حيث ما درناش العمل ديالنا كما يجب وكنتمنى فالمستقبل ملي هاد البطولة تكون عندنا فالبلاد نقدرو نربحوها".
وأكد بنمحمود: "المسؤولية كنتحملوها حنا كاملين وكنعتذر للشعب المغربي، مازال شي حوايج خاصنا نتعلموهم، والمسامحة راه قلوبنا الله اللي عالم بها".