مصدر ل"كود" : كنخافو نغامرو بزياش وعاود يتقصح ومنبقاوش من بعد معولين عليه ومزال النقاش والكوتش اللي غادي يحسمو

عبر مصدر ل"كود" عن تخوف طاقم المنتخب الوطني المغربي من المغادرة باللاعب حكيم زياش خلال المباراة التي ستجرى مساء اليوم الثلاثاء مع منتخب جنوب إفريقيا على أرضية ملعب سان بيدرو.
وأضاف المصدر ل"كود سبور": "تقدر تغامر بيه وعاود يمشي يتقاص ليك ومتبقاش تعوّل عليه من بعد، لكن دبا الكرة عند الكوتش هو اللي غادي يحسم فهاد الموضوع، والمناقشة مزال مستمرة على زياش واش يلعب اليوم أو لا".
وكان وليد الركراكي قد قال خلال الندوة الصحفية اللي دارها قبل ماتش جنوب إفريقيا بسان بيدرو باللي حكيم زياش معطوب، مضيفا باللي خدامين معاه كل ساعة وغادي ياخدو قرار وجوده غدا فالماتش في آخر ثانية ودقيقة.
وأكد الإطار الوطني الركراكي باللي زياش تعرض لإصابة في الكاحل وغادي يدير كل ما يمكن باش يشارك فماتش اليوم أمام جنوب إفريقيا، مضيفا بالقول: "يلا كان عندنا كيفاش نخاطرو غادي نخاطرو".