نيكاراگوا مشات بعيد فعداء السيادة المغربية على الصحرا ودارت "سفير" عند البوليساريو

Elouali.zaz.1987@gmail.com
اعتامدات نيكاراگوا قرار جديد غادي يزيد يعصف بعلاقاتها مع المملكة المغربية، فظل هاد الانبطاح ديالها للجزاير وتهافتها على التقرب من نظام العسكر.
وعلنات نيكاراگوا اللي كتعتارف بجبهة البوليساريو عن تعيين الدبلوماسي كارلوس إدواردو دياز فمنصف "سفير" عند جبهة البوليساريو، باش يبدا خدمة تقوية العلاقات معاها.
وشهدات العلاقات بين نيكاراگوا والجزائر تقارب كبير فالنصف الأخير من سنة 2023، آخر تجلياتها زيارة وزير خارجية نيكاراگوا، دونيس رونالدو كوليندريس، للجزائر وعقد مباحثات مع نظيرو الجزائري، أحمد عطاف فنونبر الماضي.
وكانت نيكاراگوا عبرات على مواقف عدائية تجاه الوحدة الترابية للمملكة المغربية، خاصة فأشغال الجمعية العامة للأمم المتحدة اللي دازت، بالإضافة لعقد مباحثات مع مسؤولين ديال البوليساريو على هامشها فنيويورك، علما بأن اللقاء كان معزول بسباب عدم مشاركة البوليساريو فالجمعية العامة بحكم أنها غير معترف بها.