أديداس خرجات أغلى سبرديلة ديال الرياضة في العالم وها شحال ساوية

قال جورنال "تلغراف" البريطاني، البارح الخميس، بللي شركة "أديداس" الألمانية، خرجات واحد السبرديلة جديدة ديال الجري، خفيفة بزاف، الوزن ديالها مكيفوتش 138 غرام، مصنوعة من الكربون، وهو شي لي كيعني أنه كلفهم بزاف، وهو الأكثر كلفة ف العالم.
على حساب المصدر نفسو، فهاد السبرديلة غادي تباع فالأسواق بثمن غالي بزاف، وللي تقريبا يقدر يفوت حتى 4500 درهم مغربية.
ولكن المشكل لي فيه هو أن هاد السبرديلة ديال الجري مكتوب عليها عبارة (إخلاء المسؤولية) وهو ما يعني أنه خاص العدائين المحترفين يجرو بيه غير مرة وحدة فشي سباق رسمي.
ونايض دابا واحد التنافس كبير بين "أديداس" و" نايكي" باش يصنعو السبرديلات ديال العدائين المحترفين.
وأغلب هاد السبريدلات مصنوعين من الكاربون وفيهم واحد المادة سائلة كتزيد ليهم فالسرعة.