عاجل. اللي خرج ف"جون افريك" كذوب. ما كاين لا فيديوات بورنوگرافية لا 28 شخصية فالسياسة والرياضة داخلة فقضية "ايسكوبار افريقيا"

داك الشي اللي خرجاتو "جون افريك" اليوم وادعت فيه باللي 28 شخصية جديدة غادية تقدم فقضية "اسكوبار افريقيا" طلعات كذوب وفايك وصافي.
حسب مصدر ل"كود" فان ما نشر فالمجلة البشير بن يحمد اللي ورثوها ولادو٬ ما كاينش. حسب مصدر "كود" كيفاش القضية خرج فيها بيان الوكيل العام فكازا وهدرات على وضع قاضي التحقيق ل21 شخص فيهم الناصري وبيوي فالاعتقال الاحتياطي وتعميق البحث مع 4 اخرين٬ وكيفاش التحقيق التفصيلي مازال ما بداش وغادي ينطالق حتى 25 من هاد الشهر وكيدهرو علي اسماء جديدة.
المنطق ان هاد التحقيق غادي يكون مفصل علي تهم موجهة لهادو اللي مازال ابرياء.
اما ديك الفيديوات الجنسيية ففيلا الناصري فاكد مصدر "كود" باللي كذوب وما كاين والو وما كاين حتى شي وثيقة فالملف فيها فيديوات.
هادوك "جون افريك" كانو قالو باللي شخصيات 28 غادية تعتاقل. ولاو فايتين القضاء. كيعتاقلو قبل ما ينطق الوكيل. جبدو ناس فالجامعة الملكية لكرة القدم وناس فالسياسة. دابا خاص الجامعة والسياسيين يتابعو هاد المجلة