الأسود شدو الطيارة للكوت ديفوار باش يشاركو فكوب دافريك

شد المنتخب الوطني المغرب الطريق إلى الكوت ديفوار اليوم الأحد، للمشاركة فالنسخة 34 من كأس إفريقيا للأمم.
وخدات بعثة المنتخب المغربي قبل لحظات من صباح اليوم الاحد الطيارة الخاصة ديالها من مطار الرباط سلا وشدو الطريق إلى مدينة سان بيدرو فالكوت ديفوار، اللي غيلعب فيها الدور الأول من كأس إفريقيا.
وعرفت بعثة المنتخب المغربي المسافرة إلى الكوت ديفوار تواجد جميع اللاعبين باستثناء أمين عدلي، اللي خرج من المعسكر وكاين مع عائلتو حيث ماتت له ماماه البارح السبت، في انتظار يعرف الناخب الوطني وليد الركراكي واش غيوصل على ليكيب ناسيونال للكوت ديفوار أو أنه غيعيط على لاعب آخر بلاصتو.