تلميذة ففاس انتحرات: نشروا ليها شي تصاور على "الفايسبوك" والبوليس بداو لونكيط باش يعرفو شكون مول الصفحة

omarelmouzaine@gmail.com
فتحات المصلحة الولائية للشرطة القضائية بمدينة فاس، نهاية السيمانة الفايتة، بحث قضائي بتعليمات من النيابة العامة المختصة، وذلك لتحديد جميع الظروف والملابسات المحيطة بحادث انتحار تلميذة بحي المسيرة.
ووفق المعلومات التي تتوفر عليها "كود"، من مصادر مطلعة، فإن الضحية وضعات حد لحياتها بعدما وصلها لخبار باللي شي تصاور ديالها غادي يتحطو على صفحة بموقع التواصل الاجتماعي "فايسبوك"، وباللي هاد الصفحة متخصصة في التشهير بتلميذات حي المسيرة الشعبي.
وكيف قالت مصادرنا باللي تصاور ديال هاد البنت ماشي إباحيين أو شي حاجة خايبة. تصاور عاديين لكن هي تصدمات ومابغاتش عائلتها يعرفو شي حاجة. الضحية ناضت انتحرات وماتت، ودبا عائلتها مصدومة.
مول هاد الصفحة الفايسبوكية مباشرة مني سمع باللي الضحية انتحرات وقف الصفحة والبوليس دبا دايرين بحث لتشخيص هويته من أجل توقيفه للبحث معه.