سيمبا عاقبو الوداد على تضييع الأهداف فالشوط الأول وخرجو رابحينهم

خاسرين الوداد الرياضي فالماتش اللي لاعبين دابا من اليوم الثلاثاء فدار السلام، ضد سيمبا التنزاني ضمن الجولة 4 من دور مجموعات دوري أبطال إفريقيا.
وخرجو الوداد الرياضي خاسرين فالشوط الأول مع سيمبا التنزاني بنتيجة 2 لزيرو، وبقاو لاعبين الوداد كيضيعو فالأهداف والفرص بشكل غريب بسبب التسرع وقلة التركيز، وعكس مجريات الماتش قدرو سيمبا يضربو الهدفين ديالهم بواسطة الكاميروني ايسومبا أونانا فالدقيقة 36 والدقيقة 38، مع العلم الحكم ما عطاش ضربة جزاء واضحة حيث الكورة لمست يد أحد لاعبي سيمبا فيديه فالكاري والحكم حسبها كوفرة.
هذه النتيجة كتعقد الأمور على الوداد الرياضي ومطالب المدرب الجديد فوزي البنزرتي يلقى الحلول باش على الأقل يرجعو الواك فالشوط الثاني ويتعادلو ويتفادا الخسران مع الفريق فأول ماتش له ويحافظ الواك على الحظوظ ديالو للتأهل إلى ربع النهائي.