"طلاق سياسي" بين بنعبد الله وبنكيران.. البي بي اس والاتحاد الاشتراكي مشاو بعيد فالتحالف وغايديرو تنسيق شبابي ونسائي و"إديولوجي" ضد الخوانجية

مرحلة الزواج السياسي لي كانت بين نبيل بنعبد الله، الأمين العام لحزب التقدم والاشتراكية، وعبد الاله بنكيران الأمين العام لحزب العدالة والتنمية، سالات. ماشي غير حيثاش بسباب الخلاف فقضايا اديولوجية من قبيل اصلاح مدونة الأسرة لي فيه شرخ كبير بين الاسلاميين والحداثيين.
وفهاد السياق، كشفت مصادر "كود" بلي غادي يدار لقاء ثاني بين قيادات التقدم والاشتراكية والاتحاد الاشتراكي، باش ينسقو فمجالات عديدة من الشباب والنساء.
اللقاء هذا غايكون قطاعي بمعنى التنسيق غايمشي بعيد وغايكون تحالف كذلك بين التنظيمات الموازين لهاد الحزبين.
البي بي اس طلع لو دم بزاف من "خرجات بنكيران" الزعيم اللي رجع من رجل دولة بمواقف متوازنة إلى رجل دين بأفكار "إخوانية" متطرفة.