"أنا دابا سيليباطير".. المغنية كاردي بي كتأكد الإشاعات وكتعلن أنها تفارقات مع راجلها أوفست

علنات المغنية الميركانية المشهورة كاردي بي أنها تفارقات رسميا مع راجلها أوفست، وكتبات في واحد البوست ديالها على إنستغرام أنها "سيليباطير من هادي دقيقة وحدة".
الإعلان ديال كاردي بي جا باش يأكد الصحة ديال الشائعات لي دارت عليهم ولي كانت كتقول أنهم تفارقو.
ودارت كاردي بي واحد اللايف ف الكونط ديالها على إنستغرام كتشرح فيه كلشي على الانفصال ديالها من راجلها.
وكثرات عليهم الهضرة مزيان من شحال هادي مللي مبقاوش متابعين بعضياتهم على إنستغرام.
غير للتذكير، هادي ماشي هي المرة الأولى لي كيتفارقو فيها، حيت سبق ليهم تفارقو عام 2018 بعد عام من الزواج ديالهم، ورجعو من بعد لبعضياتهم.