الفيشطا. الممثلة السعدية لديب ل"كود": المسرحية حلم

السعدية لديب فمسرحية "الفيشطا" اللي تعرضات البارح فاستوديو الفنون الحية فكازا وقبلها بمسرح محمد الخامس بالرباط لعبات دور "حادة". مرا جات مع زروالة =مريم الزعيمي= تنقد راجلها المسجون عند الباشا =لعب الدور فريد الركراكي=.
"كود" سولاتها بعد ما سالى "لاڤان بروميير" اللي كانت ليلة لخميس اللي فات بمسرح محمد الخامس. الفنانة قالت ل"كود" باللي اعداد هاد المسرحية ولعب البطولة "حلم". ماشي حكم فردي٬ تضيف الفنانة ل"كود"٬ بل حلم "مشترك مع اصدقاء اللي لعبو معايا".
الفنانة اكدات ل"كود" باللي فاول عرض من "الفيشطا" "تحقق هاد الحلم". بالنسبة ليها ليلة لخميس 30 نونبر 2023 غير انطلاقة" بهاد "المشروع الجديد" باش يدير جولة فمدن المغرب.
بخصوص كيفاش تلقى جمهور الرباط اول عرض قالت لديب ل"كود" : "ماشي اول مرة غادي لعب قدام جمهور الرباط عموما وجمهور مسرح محمد الخامس خصوصا. حنا معودين نلعبو قدام هاد الجمهور الوفي جدا .. جمهور لي كيحضر دائما للعروض المسرحية وكيعشق المسرح"