بنعطية: عارف شنو كيتسناني فمارسيليا.. ما تعطاتنيش الفرصة كلاعب ودابا عندي مهمة وتحدي

عبر الدولي المغربي السابق المهدي بنعطية على الفرحة ديالو حيث رجع باش يخدم فأولمبيك مارسيليا الفرنسي، الفريق اللي تكون فيه كلاعب قبل 20 عام.
وخرج المهدي بنعطية اللي تعين كمستشار رياضي فأولمبيك مارسيليا الفرنسي، وقال فأنستكرام ديالو: "من بعد 20 عام، تم التكليف ديالي بمهمة وتحدي، فهاد النادي اللي ما تعطاتش ليا الفرصة الكبيرة ندافع فيه على الألوان ديالو كلاعب".
واكد بنعطية: "أنا فرحان بزاف وغنحاول نوضع كل الخبرة ديالي وداكشي اللي تعلمت فالكاريير بروفيسيونل رهن إشارة أولمبيك مارسيليا، وعارف شنو كيتسناني فالأولمبيك، وغندير جهدي كامل باش نخدم النادي".