واش آدم أنزو موهبة بايرن ميونخ قلب التوني بسبب سعيد شيبا؟

كيبان أن آدم أنزو لاعب ليسبوار ديال بايرن ميونخ الألماني وولد لاماسيا أكاديمية البارصا فاسبانيا، قرر يقلب التوني ويتراجع على أنه يلعب مع المنتخب الوطني المغربي.
ومسح آدم أنزو واحد البوسط كان حطو عندو فأنستكرام، واللي كان بوسطاه قبل أسابيع ملي كان عيط له الناخب الوطني سعيد شيبا للمنتخب المغربي لأقل من 17 عام، قبل ما يحيدو من لاليست الأشبال المشاركة فمونديال U17.
البوسط اللي مسح آدم أنزو كان لابس فيه التوني ديال المغرب، وهذا الشي كيطرح عدد من علامات الاستفهام حول مستقبل اللاعب واش غيبقى عند كلمتو ويلعب للمغرب أو أنه قرر يتراجع ويمشي يلعب مع إسبانيا فين تزاد.