مدرب الرجاء: الرباح على المحمدية مكانش ساهل وتيران العبدي ما عجبنيش وجمهورنا بقات بلاصتو وخاصهم يجيو يشجعونا

أكد جوزيف زينباو مدرب الرجاء الرياضي أن الفريق تحكم فاللعب خلال الشوط الأول من الماتش ضد شباب المحمدية اليوم الاحد فتيران العبدي ضمن الدورة 10 من البطولة، وخلف فرص التسجيل ولكن ما قدرش يماركيهم.
ووضح بلي فالشوط الثاني قدرو يجيبو بلانتي وماركاو منو هدف الرباح، وأن هذا الشي داخل فاللعبة، وبارك للفريق الفوز وأكد أنه كان رباح صعيب واخا الرجاء كانو هما اللي مدخلين الماتش.
مدرب الرجاء الرياضي جوزيف زينباو شكر المسؤولين اللي عطاوهم يلعبو فتيران العبدي فالجديدة، ولكن أكد بلي ما عجبوهش المرافق ديال الملعب بحال الفيستيير وغيرها.
جوزيف زينباور قال أيضًا أن جماهير الرجاء بقات بلاصتهم فالماتش ديال اليوم اللي قاطعوه بسبب غلاء التذاكر، ووجه لهم ميساج باش يجيو الماتشات الجايين ديال الفريق ويشجعوه.