عادل رمزي حدد موعد سفر الوداد لمراكش باش يلعبو شومبيونزليك

غيمشيو الوداد الرياضي لمراكش على تيساع، استعدادا لمواجهة فريق كلاكسي البوتسواني ضمن الجولة الأولى من دور مجموعات دوري أبطال إفريقيا، وهو الماتش اللي غيتلعب السبت الجاي فتيران مراكش الكبير.
وحدد عادل رمزي مدرب الوداد الرياضي غدا الخميس كموعد لسفر الفريق إلى مدينة مراكش، اللي غيلعب فيها السبت الجاي ضد الفريق البوتسواني، باش الواك يكونو مرتاحين ويولفو على أجواء المدينة الحمراء، وكيتسناو الثلاثي جبران وعطية الله والعملود اللي راجعين مع المنتخب المغربي للمغرب باش يمشيو لمراكش.
الوداد كيوجدو منذ أيام فمركب محمد بنجلون وسط أجواء عالية من التركيز، والفريق بدا كيتجاوز أزمة خسارة فينال السوبر ليك الإفريقي، وباغيين يبداو دور مجموعات دوري أبطال إفريقيا بطريقة مزيانة.