قيشوري مدرب سبورتينك كازا: الوصول ديالنا لفينال شومبيونزليك إنجاز عظيم ودرنا ماتش خرافي: الوصول ديالنا لفينال شومبيونزليك إنجاز عظيم ودرنا ماتش خرافي

عبر المهدي قيشوري مدرب سبورتينك الدار البيضاء النسوي على الفرحة ديالو بتأهل الفريق إلى فينال دوري أبطال إفريقيا للسيدات بالكوت ديفوار، بعد الفوز على داركو الغاني فالدومي فينال بضربات الترجيح.
وتحدث المهدي قيشوري بعد تأهل سبورتينك الدار البيضاء للفينال، وقال: هذه أول مشاركة لنا فدوري أبطال إفريقيا وقدرنا نوصلو لماتش الفينال وهذا إنجاز عظيم بالنسبة لنا".
وبخصوص الماتش ديال الدومي فينال اللي سالا تعادل ضد داركو الغاني بجوج لجوج قبل ما يربحو سبورتينك الدار البيضاء بالبيلانتيات بنتيجة 3 لجوج، قال قيشوري: "قدرنا نرجعو جوج مرات فالنتيجة، ووصلنا للبيلانتيات وهذا الشي خرافي".
وشكر مدرب سبورتيك الدار البيضاء الجماهير المغربية على المساندة ديالها للفريق والجماهير الإيفوارية اللي شجعت سبورتيك الدار البيضاء فالماتش.