نايف أكرد يقدر يلتاحق بالمنتخب

استقرت الحالة الصحية ديال الدولي المغربي نايف أكرد لاعب ويستهام النكليزي، اللي جاه ارتجاج فالمخ بسبب اصابة فماتش الفريق ديالو ضد نوتينغهام الويكاند الماضي فبطولة النكليز، وممكن يلتحق بالمنتخب المغربي الايام الجايا.
وكشف موقع "هامرز نيوز" القريب من ويستهام، ان الحالة الصحية ديال نايف أكرد ولات دابا احسن من الاول، وهذا الشي بعدما كانت كشفت الفحوصات الطبية اللي خضع لها ورا الماتش ان عندو ارتجاج فالمخ، الشي اللي خلا ويستهام يعلمو المنتخب المغربي بلي ما غيجيش للمعسكر د الأسود وغيبقى فلندن بتعالج.
ووضح نفس المصدر، ان الدولي المغربي نايف اكدر يقدر يلتحق بالمنتخب الوطني المغربي نهاية هذا الأسبوع، وكتجي هذه المعلومات بعدما عيط الناخب الوطني على جواد الياميق لاعب الوحدة السعودي فبلاصة مدافع ويستهام.