الركراكي باغي يمشي بكري لتنزانيا ولاعبين اخرين عاد غيوصلو للمعسكر ديال الأسود

باغي الناخب الوطني وليد الركراكي يمشي المنتخب الوطني المغربي بكري لتنازانيا، استعدادا لمواجهة المنتخب التنزاني ضمن الجولة الثانية من إقصائيات كأس العالم 2026.
وقرر الناخب الوطني وليد الركراكي أن بعثة المنتخب الوطني المغربي تسافر إلى تنزانيا يوم الجمعة المقبل، باش ليكيب ناسيونال يوجدو للماتش ضد التنزانيين اللي غيتلعب يوم الثلاثاء الجاي.
وغتسافر بعثة المنتخب الوطني المغرب فطيارة خاصة يوم الجمعة الجاي انطلاقا من مطار الرباط سلا نحو مطار دار السلام بتنزانيا، وقبل السفر ديالهم غيديرو الأسود حصة تدريبية مفتوحة لوسائل الإعلام فمركز محمد السادس لكرة القدم.
من جهة اخرى، من المنتظر يوصلو اليوم الثلاثاء لمركز محمد السادس، اللاعبين اللي مازال ما جاوش المعسكر ديال المنتخب المغربي، ومنهم حكيم زياش، وسفيان أمرابط، ويوسف النصيري وجواد الياميق وبنجامين بوشواري.