الركراكي عيط حتى على بوشواري لمعسكر الأسود فبلاصة اوناحي

عيط الناخب الوطني وليد الركراكي لبنجامين بوشواري لعب سانتي تيان حتى هو، باش يجي للمعسكر ديال المنتخب الوطني المغربي الحالي استعدادا لمواجهة تنزانيا ضمن اقصائيات مونديال 2026، إلى جانب المناداة على جواد الياميق لاعب الوحدة السعودي.
وجات المناداة ديال وليد الركراكي على بنجامين بوشواري لتعويض عز الدين اوناحي لاعب اولمبيك مارسيليا الفرنسي، اللي منعتن الإصابة اللي تعرض لها مؤخرا من الانضمام إلى التجمع اللي غتخوضو النخبة الوطنية، انطلاقا من اليوم الاثنين 13 نونبر 2023.
للاشارة فالمنتخب الوطني المغربي دار اليوم الاثنين أول حصة تدريبية ركز فيها الطاقم التقني للنخبة الوطنية بقيادة المدرب وليد الركراكي، على ازالة العياء مع اجراء بعض الحصص اللي كتعتمد على التمرينات القصيرة.