ميسي ربح تاني البالون دور وللمرة الثامنة

ربح الأرجنتيني ليونيل ميسي جائزة البالون دور لعام 2023، اليوم الاثنين فالعاصمة الفرنسية باريس.
وتمنحت جائزة الكورة الذهبية اللي كتعطيها المجلة الفرنسية الشهيرة فرونس فوتبول للأسطورة ليونيل ميسي، بعدما ربح كاس العالم 2022، مع منتخب الأرجنتين، وهادي هي الكورة الذهبية الثامنة ديال ميسي، اللي كيلعب دابا مع انتر ميامي الميريكاني، وهو اكثر واحد ربح هاد الجائزة.
وتفوق ليونيل ميسي فنتائج التصويت على النرويجي هالاند لاعب مانشستر سيتي اللي ربح دوري أبطال أوروبا 2023، والفرنسي كيليان مبابي اللي كان وصيف مع فرنسا فمونديال 2022.