سعيد الناصيري واقف على شغلو كيف ديما.. رئيس الوداد حضر التداريب قبل ماتش الترجي وطلع المورال للاعبين

كيواصل سعيد الناصيري رئيس الوداد الرياضي يأكد أنه كلشي فالفريق بالمجهودات اللي كيدير، باش الحمرا تكون ديما الطوب محليا وأفريقيا وتربح الالقاب وتفرح جمهورها.
سعيد الناصيري رئيس الوداد الرياضي مشى هاد العشية من اليوم الجمعة للحصة التدريبية ديال الفريق الاولى بعد التأهل إلى دومي فينال السوبر ليك الأفريقي بعد الفوز على انييمبا النيجيري فربع النهائي.
لبريزيدون سعيد الناصيري، كان حاضر مع اللاعبين فالتداريب وواقف على الشغل باش يحسسهم بلي وراهم مسؤول قوي كيدعمهم ومساندهم، وهذا الشي قبل المواجهة الحاسمة ضد الترجي التونسي يوم الاحد المقبل.
لاعبين الوداد الرياضي وكيف العادة كانوا فرحانين ملي جا سعيد الناصيري وشافوه حاضر الحصة التدريبية، وهذا الشي طلع لهم المورال وخلاهم يتحفرزو كثر هما والطاقم التقني بقيادة المدرب عادل رمزي.