اللاعبين د الوداد: واجدين لإنييمبا باش نأكدو التأهل وباغيين نربحو السوبر ليك ونفرحو جمهورنا

عبرو اللاعبين دالوداد الرياضي على الجاهزية ديالهم لماتش إياب ربع نهائي السوبر ليك الأفريقي أمام سيمبا التنزاني، غدا الخميس فستاد دونور، وأكدو أنهم غيدخلو يربحو ويتأهلو للدومي فينال وباغيين يديو لاكوب ويفرحو الوداديين.
وفتصريح لموقع "كود" تحدث حمزة الركراكي خلال الحصة التدريبية ديال الوداد الأخيرة قبل مواجهة إنييمبا وقال: "نتيجة ماتش الذهاب غيخلينا نلعبو مرتاحين فالروتور، وجدنا مزيان للماتش وجميع اللاعبين مركزين وعارفين المسؤولية اللي عليهم والهدف ديالنا هو تحقيق نتيجة إيجابية اللي تخلينا نتأهلو للدومي فينال".
عبد الله حيمود حتى هو متحمس وقال لموقع "كود": "فيزيكمون كنحسو براسنا مزيان وكلشي اللاعبين واجدين والفريق مستعد، فماتش الذهاب كنا مزيانين من شي نواحي ومن شي نواحي لا وحاولنا نصلحو الأخطاء ديالنا فالألي واخا كنا ربحنا، وهذا الشي شفناه فالفيديو مع الكوتش ديالنا وحنا مستعدين باش نكونفيرميو ماتش الذهاب بالرباح غدا وندوزو للدومي فينال".
حتى محمد أوناجم تحدث وقال: السفر كان شويا صعيب ولكن استفدنا من نهار زايد باش نرتاحو ونريكيبيريو، درنا نتيجة إيجابية فالذهاب وغنحاولو نكونو مركزين فالماتش الجاي، واخا ربحنا بواحد الهيه، الماتش ديال غدا ما فيهش التعويض، غتربح تكاليفة، فتخسر غتودع.. نتمناو غدا نكونو فالموعد ونفرحو جمهورنا ونمشيو لأبعد نقطة وعلاش لا ما نربحوش لاكوب".