عادل رمزي: الماتش كان صعيب بين الوداد وهافيا وغانحسمو التأهل فالروتور بالمغرب

اعتبر عادل رمزي مدرب الوداد الرياضي أن ماتش ذهاب دور 32 من عصبة أبطال إفريقيا مع هافيا كوناكري الغيني اليوم الاحد فغينيا، كان صعيب بالنظر للظروف ديالو، وأكد أن حسم التأهل غيكون فالروتور بالمغرب.
وتحدث عادل رمزي فالندوة الصحافية من بعد تعادل الوداد مع هافيا بواحد لواحد، وقال: "بغينا نسيطرو ونلعبو بالطريقة الهجومية ديالنا باش نماركيو، ولكن هذا الشي كان صعيب، وما قدرناش نلعبو الكرة ديالنا، وهافيا دارو لينا مشاكل كثيرة ودار ماتش مزيان وحتى حنا درنا ماتش مزيان واخا الظروف ما عوناتناش".
وكمل عادل رمزي، وقال: "التأهل غيتلعب على 2 ماتشات الألي والروتو، دابا تعادلنا فالألي هنا وحسم التأهل غيكون فالمغرب.