الهضرة ديال الناس مكتقلقهاش.. قصة أول بنت كتحل صالون لحلاقة الرجال

خطفات واحد البنت تونسية، سميتها نور الهدى بوقديدة، الأضواء في البلاد، بعدما ولات أول مرة كتفتح صالون ديال الحسانة في البلاد خاص بالرجال.
نور الهدى، لي الأصول ديالها من مدينة سوسة، كتقول بأنها حققات واحد الحلم لي كان شحال هادي كتحلم بيه، وكتطمح أنها يكون عندها صالون في كل مدينة في تونس وعلاش لا على برا.
هاد البنت لي يلاه في عمرها 23 عام قالت بأنها كتعشق التحدي، وبغات تتمرد على كاع الحواجز لي تقدر توقف في طريقها.
وأكدات نور الهدى أن الهضرة د الناس مكتقلقهاش وهي كتركز غير على شغلها ومشروعها.